Ժամանակն է,որ վերջնականապես կապիտուլյացիայի ենթարկենք ադրբեջանական զինված ուժերին . Գնդապետ Գրիշա Սարգսյան

 Июл 13, 2020

Միլիցիայի հատուկ նշանակության ջոկատների վետերանների միության նախագահ, գնդապետ  Գրիշա Սարգսյանը արդեն մի քանի օր է գտնվում է մեկուսացման մեջ` կորոնավիրուսի պատճառով, սակայն 1988 թվականից հայրենի սահմանների համար պայքար մղած գնդապետը չի կարողանում հանգիստ լինել: Ստեղծված իրավիճակի պայմաններում գնդապետ Գրիշա Սարգսյանը հայտարարում է.

«Ժամանակն է վերջնականապես կապիտուլյացիայի ենթարկել ադրբեջանական զինված ուժերին, ինչպես 1945-ին ԽՍՀՄ-ը` Գերմանիային: Բավական է, զայրացած եմ և լռել չեմ կարող:

Միլիցիայի հատուկ նշանակության ջոկատների վետերանների միությունը ինչպես 90-ականներին, այնպես ապրիլյան պատերազմին, այսօր էլ, պատրաստ է կանգնել հայոց բանակի կողքին և հերթական անգամ ապացուցել հայկական ուժի հզորությունը:

Ցավում ենք, որ 1994թ. այդ ժամանակվա ղեկավարությունը պետք է վերջնականապես զինադադարի փոխարեն կապիտուլյացիայի ակտ ստորագրեին: Պետք է հաղթանակած կողմը իր կամքը թելադրեր, ոչ թե հավասարը` հավասարին:

Մենք հզոր ենք և ուժեղ ենք, այս անգամ կապիտուլյացիայի կենթարկենք ադրբեջանական զինված ուժերին: Չենք հանդուրժելու, չկա ներում-բեկում: Ադրբեջանական պետությունը որպես դասակարգ պետք է վերանա:

Հայ ժողովուրդ, ես տեսնում եմ ինչ-որ 3-րդ երկրի հետք, բայց մենք ուժեղ ենք ու պատրաստ ենք կրկին կանգնել բանակի կողքին:

26 տարի տուն-տունիկ ենք խաղում, մի բան էլ Ադրբեջանը կամք է թելադրում, այն դեպքում երբ հաղթանակած կողմը պետք է թելադրի կանոնները: Այս դեպքում ուժեղ կողմը Հայաստանն է և Ադրբեջանը չի կարող հավասար լինել մեզ:

Ժամանակն է վերջնականապես կապիտուլյացիայի ենթարկել ադրբեջանական զինված ուժերին»,-կրկին կոչով իր խոսքը ամփոփեց գնդապետ Սարգսյանը:

Հիշեցնենք, որ շուրջ մեկ օր է գնդակոծվում է Տավուշի մարզը: Հայկական կողմը տվել է համարժեք պատասխան:

Միլիցիայի Հատուկ  Նշանակության  Ջոկատ։

Հարգելի քաղաքացիներ, ոստիկանության Արտաշատի բաժնի կողմից որպես անհետ կորած որոնվում է Արարատի մարզի Վերին Դվին գյուղի բնակիչ Մարտիկ Ադիբեկի Վարդանյանը։

Հարգելի քաղաքացիներ, ոստիկանության Արտաշատի բաժնի կողմից որպես անհետ կորած որոնվում է Արարատի մարզի Վերին Դվին գյուղի բնակիչ Մարտիկ Ադիբեկի Վարդանյանը։

Վերջինիս տեսնողներին կամ վերջինիս գտնվելու վայրի վերաբերյալ տեղեկություններ ունեցողներին խնդրում ենք զանգահարել հետևյալ հեռախոսահամարով   0235 2 24 00.

Միջազգային Ոստիկանական Ասոցիացիայի ՀՀ գրասենյակը ընդունեց Մակաոի (Չինաստան) պատվիրակությանը

 2015.07.10 21:35           2934 դիտում

Հուլիսի 4-ին միջազգային ոստիկանական ասոցիացիայի Հայաստանյան մասնաճյուղի նախագահ` գնդապետ Գրիշա Սարգսյանի հրավերով չորսօրյա այցով Հայաստան էին ժամանել Մակաոի (Չինաստանի) միջազգային ոստիկանական ասոցիացիայի պատվիրակությունը, որի կազմում էին Մակաոի կառավարության անդամ պրինց Մարկիս Ֆրանցիս Տինը, իր տիկնոջ՝ Իրեն Էմ Ջինգի հետ, որը հանդիսանում է Նիգերիայի դեսպանը:

Պատվիրակությունը ղեկավարում էր Մակաոի միջազգային ոստիկանական ասոցիացիայի (ՄՈԱ) նախագահ` գեներալ Լեյ Հոնգ Պոնը: 

«Զվարթնոց» օդանավակայանում հյուրերին դիմավորեցին ՀՀ ՄՈԱ-ի նախագահ Գրիշա Սարգսյանը, ՀՀ-ում Չինաստանի արտակարգ և լիազոր դեսպան պարոն Թյան Էրլոն, ՀՀ-ում Ռումինիայի արտակարգ և լիազոր դեսպան պարոն Սորին Վասիլին, և մի շարք պատասխանատու անձիք:

Պատվիրակության այցի ընթացքում կազմակերպվեցին և անցկացվեցին մի շարք բազմաբնույթ և բազմաբովանդակ միջոցառումներ: Այդ թվում՝ ստորագրվեց փոխհամագործակցության մի շարք պայմանագրեր: Հուլիսի 7-ին պատվիրակությանը 
ընդունեց ՀՀ ոստիկանության ղեկավար կազմը, որից հետո ՀՀ-ի ՄՈԱ-ն կազմակերպեց ճաշկերույթ, որի ժամանակ տեղի ունեցավ պարգևատրումներ: 

Հաջորդ օրը՝ հուլիսի 8-ին, Մակաոի պատվիրակությունը մեկնեց Հայաստանից:

Ֆոտոռեպորտաժ

---

<<...Սթափվեք…>>. Աթենքում գործող E.R.A միության նախագահը միացավ գնդապետ Գրիշա Սարգսյանի կոչին

21.05.2020 - by admin - Leave a Comment

Ես սփյուռքում բնակվող ՀՀ հպարտ քաղաքացի եմ։Միանում եմ  Միջազգային Ոստիկանական Ասոցիացիայի հայաստանյան գրասենյակի ղեկավար, ՄՀՆՋ վետերանների միության նախագահ Գնդապետ Գրիշա Սարգսյանի կոչին։

Ուզում եմ ավելացնել` անտարբերությունը չարիք է ծնում։
Հանցագործությունը միշտ արմատավորվում է, երբ կանխող չի լինում, իսկ կանխողը պետք է լինի արդարադատական համակարգը, առաջնահերթ ոստիկանությունը:

Մի քանի տարի առաջ «խմբակային» հանցագործություն էր կատարվել։ Օտարվել էր իմ սեփականությունը։

Մեծ դժվարությամբ, տարիների պայքարից հետո կարողացա վերականգնել իրավունքներս։ Հանցագործներին չպատժեցին,  քանի որ օրենքը չէր գործում։ Թավշյա հեղափոխության հաղթանակից հետո դիմեցի օրենքին հուսալով, որ հանցագործները պատասխան կտան,որովհետև դատական նիստերից մեկի ժամանակ մարդ էր մահացել ․․․

Արագածոտնի մարզում էր կատարվել խմբակային հանցագորխությունը: Ես  դիմեցի ՀՀ Ոստիկանապետին։

Դիմումիս կցել էի փաստաթղթեր, ապացույցներ․․․

Դատարանի նախագահ Սուրեն Մնոյանի, Թալինի դատավոր Մանուկ Մարգարյանի, Փաստաբան Հրաչ Ալեզյանի, Կոշի գաղութի պետի տեղակալ Ռուբեն Շաբոյանի կադաստրի պետ Համլետ Մուրադյանի`  խմբակային հանցագործության մասին։

ՀՀ Ոստիկանապետը դիմումս ուղարկեց Աշտարակի ոստիկանության թաղային լիազոր Գևորգ Մարգարյանին։

Թաղային լիազորը զանգահարեց Հունաստան խնդրեց էլի փաստաթղեր ներկայացնեմ։ Ուղարկեցի բոլոր փաստաթղթերը։

Հետո զանգահարեց և ասաց. «Տաք տեղներդ նստում եք ,սրա նրա տունն եք քանդում ամոթ չեք անում»:

Այս տարի հունվարին եկա Հայաստան: Աշտարակի ոստիկանությունում էի, խնդրեցի թաղային լիազորին քրեական գործը մերժելու որոշմանը ծանոթացնի։ Գործին չծանոթացրեց, ոստիկանը վախեցած զանգեց պետին։ Եկավ մի ուրիշ վախեցած ոստիկան։

Ես կին եմ , հայ մայր և երդվում եմ, որ այդ  ԹԱՎՇՅԱ անգրագետ ոստիկաններին խղճացի։

Սթափվեք…

 Վախկոտ թավշյաներին հեռացրեք համակարգից։ Ոստիկանը պիտի խելացի լինի,գրագետ լինի թասիբ ունենա․․մի քիչ էլ ուղեղ, որ նեղն ընկնելուց չասի ԴԱՏԱԽԱԶՆԱ ասել զ՞անգեմ։

 Այսօրվա Աշտարակի թավշյա,վախկոտ ոստիկաններին գոնե հեռացրեք համակարգից։

Ոստիկանի բարի համբավն են խայտառակում։

Հարգանքներով` Աթենքում գործող E.R.A (Հույն-ռուս-հայ) միության նախագահ` Աղավնի Մկրտչյան:

Հ. Գ Աղավնի Մկրտչյանը հայապահպան բազմաթիվ ծրագրեր է իրականացնում սփյուռքում: Ինչպես նաև «Կամուրջ-88» նախագծի հիմնադիրներից է:

ARLUR.AM,ԱՐԴԱՐՈՒԹՅԱՆ ՀԵՏՔԵՐՈՎ ԼՐԱՏՎԱԿԱՆ

Այսօր Միջազգային Ոստիկանական Ասոցիացիայի Գրասենյակի և ՄՀՆՋ(Միլիցիայի Հատուկ Նշանակության Ջոկատի) կողմից,Գնդապետ`Գրիշա Սարգսյանի հրամանագրով,Պատվոգրով և շքանշաններով պարգևատրվեցին երկու քաջարի ազատամարտիկ նվիրյալ հայորդիներ,Հայրենքին մատուցած ամբասիր ծառայության համար

Մեծագույն ավանդ ունեցան Արցախյան Ազատամարտում , ՆԳՆ հատուկ նշանակության ջոկատի , ՆԳՆ համահավաք ջոկատի ազատամարտիկները , որոնցից մեկն էլ իմ ավագ ընկեր՝ Գրիշա Սարգսյանն է , ով անցավ մի փառապանձ մարտական ուղի և հանդիսացավ մեր հաղթանակը կերտած ազատամարտիկներից մեկը … Գրիշա Սարգսյանը մեծ դերակատարություն ունեցավ նաև հետպատերազմյան շրջանում , հատկապես բանակաշինության գործում … Մեծ էր նաև նրա դերակատարությունը՝ ուղղված ոստիկանության համակարգի կազմավորմանը և հզորացմանը … Շնորհակալ եմ իմ մարտական ընկեր , շնորհակալ եմ , որ չես մոռանում բոլոր նրանց , ով իր դերն է ունեցել մեր հայրենիքի անկախության կերտման և պաշտպանության գործում .. Շնորհակալ եմ, որ միշտ սատար ես կանգնում ազատամարտիկներին …                              Շնորհակալությունս եմ հայտնում բարձր պարգևի համար իմ մարտական ընկեր , իմ հրամանատար , իմ ավագ եղբայր . ազատամարտիկ , ՄՀՆՋ վետերանների միության նախագահ , Ոստիկանության Միջազգային Ասոցիացիայի Հայաստանյան մասնաճյուղի ղեկավար , պահեստազորի գնդապետ՝ Գրիշա Սարգսյանին /Ժարիտ Գրիշ/ , ում հրամանատարության ներքո  դեռևս 1993-1994 թվականներին անցել եմ մարտական ճանապարհ Արցախյան Ազատամարտում …

  Զավեն Գյուրզա

ՄԻՋԱԶԳԱՅԻՆ ՈՍՏԻԿԱՆԱԿԱՆ ԱՍՈՑԻԱՑԻԱՅԻ ՀԱՅԱՍՏԱՆՅԱՆ ԳՐԱՍԵՆՅԱԿԻ ևՄԻԼԻՑԻԱՅԻ ՀԱՏՈՒԿ ՆՇԱՆԱԿՈՒԹՅԱՆ ՋՈԿԱՏԻ ՀԻՄՆԱԴԻՐ ՆԱԽԱԳԱՀ-ԳՆԴԱՊԵՏ`ԳՐԻՇԱ ՍԱՐԳՍՅԱՆԻ (ԺԱՐԻՏ ԳՐԻՇԻ)ՀԱՅՏԱՐԱՐՈՒԹՅՈՒՆԸ ՄՏԱՀՈԳՈՒԹՅԱՆ ՏԵՂԻՔ Է ՏՎԵԼ ՆԵՐԿԱՅԻՍ ԻՇԽԱՆՈՒԹՅԱՆԸ և ԽՈՒՃԱՊԻ ԵՆ ՄԱՏՆՎԵԼ ՆԱԽԿԻՆ ՌԵԺԻՄԱԿԱՆՆԵՐԸ

Գնդապետ Գրիշա Սարգսյանը հրատապ կոչով դիմում է վարչապետին

20.05.2020 

Հայաստանում կատարվող վերջին իրադարձությունները անհանգստացնում են Միջազգային Ոստիկանական Ասոցիացիայի հայաստանյան գրասենյակի ղեկավար, ՄՀՆՋ վետերանների միության նախագահ, գնդապետ Գրիշա Սարգսյանին:

Գրիշա Սարգսյանը Arlur.am-ի հետ զրույցում ընդգծեց, որ չի կարող անտարբեր գտնվել տիրող անմխիթար վիճակի նկատմամբ:

«Ես դառնացած եմ, քանի որ այս ամենը սպառնում է Հայաստանի և Արցախի անվտանգությանը: Պետք է  շեշտեմ, որ  որոշ անմեղսունակներ շահարկելով Արցախի և ազատագրված տարածքների թեման փորձում են հանրության աչքերում դիվիդենտներ շահել : Ես ասել և ասում եմ` գոյություն ունի պատերազմի օրենք, ըստ որի արյունով ազատագրված հողը երբեք չի հանձնվում: Թավշյա հեղափոխության առաջին օրերից սկսած  հորդորել եմ` շարժվել հեղափոխության օրենքներով` շտապ և ակնթարթային: Այն չի կարող ուղղորդվել բռնապետության կողմից ընդունված օրենքներով:

Հարգելի վարչապետ, կրկին հորդորում ենք պահպանել և չկորցնել հեղափոխության գաղափարը և շարժվել հեղափոխական օրենքներով, եթե ոչ` կնշանակի, որ  2018 թվականին իշխանափոխություն է եղել ու ոչ թե հեղափոխություն:

Հեղափոխության առաջին իսկ օրվանից ձեր գործողությունները բոլոր ոլորտներում բախվում են օրենքների անհամաչափության, հանձինս Սահմանադրական Դատարանի: Հիշեցնում եմ, որ Հայաստանը պառլամենտական երկիր է, ՍԴ-ի հարցը վաղուց պետք է լուծված լիներ` ԱԺ-ում ընդունելով սահմանադրության սույն կետի փոփոխությունով: Տվյալ պարագայում հանրաքվե և ավելորդ ծախսերի կարիքը չէր լինի»,-նշում է Գրիշա Սարգսյանը:

Գնդապետ Սարգսյանը հորդորում է շտապ կատարել հետևյալ գործողությունները:

Պետք է քաղաքական գնահատական տրվի  նախկին իշխանություններին,

ինչպես 1956թ. ԽՍՀՄ 20-րդ համագումարում Խրյուշչովի ելույթը վերաբերվում էր Ստալինին և անվանվում «О культе личности и его последствиях»: Այս քայլով կփակվի միջազգային կառույցների   գնահատական տալու և Հայաստանի ներքին գործերին խառնվելու հնարավորությունը:

Պետք է շտապ կասեցնել ՀՀԿ գործունեությունը, որը տարիներ շարունակ երկիրը վերածել է կոլխոզի`հարստահարելով, սննկացնելով և ծնկի բերոլով հայ ազգին:

ԱԺ-ում շտապ նախաձեռնել կուսակցությունների մասին  օրենքի փոփոխություն, դադարեցնելով մարդ-կուսակցությունների գործունեությունը, որոնք հանուն սեփական շահի բզկտում են երկիրը:

Կատարեք ձեր խոստումը, ստեղծեք անցումային արդարադատություն: Այս պարագայում արդարադատության համակարգը միայն կշահի:

Դատաիրավական համակարգում վեթինգի իրականացումը համարել առաջնային և շտապ:

Ապօրինի հարստացման օրենքի մասով` հրավիրել միջազգային աուդիտորական կազմակերպություն, որը  կուսումնասիրի  2000թ.-ից սկսած օլիգարխների բիզնեսները, վեր հանելով  ստվերային մասը, կատարել վերջնահաշվարկ և օրենքով սահմանված կարգով ազգայնացնել նրանց ձեռք բերած ունեցվածքը:

Պետք է բոլոր ռազմավարական նշանակության օբյեկտները, ընդերքը, կապը, էլեկտրաէներգիան, օդանավակայանը, ջուրը, փոստը  և երկաթուղին ազգայնացնել, քանի որ ըստ ՀՀ գործող սահմանադրության դրանք հանդիսանում են ՀՀ-ի  սեփականությունը:

Պետք է կատարել արմատական կադրային փոփոխություն`ձերբազատվելով նախկին իշխանության կադրերից:

Հ.Գ. Հարգարժան  Վարչապետ, ի՞նչն է ձեզ խանգարում, որպեսզի շտապ իրականացնեք մեր առաջարկը: Ողջ հայությունը սրտատրոփ սպասում է այդ քայլերին: Մենք պատրաստ ենք հանուն Հայաստանի հանրապետությանը, աշխարհասփյուռ հայությանը ստանձնել որոշ պարտականություններ և օգնել հեղափոխությունը հասցնել ավարտին: Մենք պետության և պետականության նվիրյալներն ենք»,-հայտարարում է Գրիշա Սարգսյանը:

ՈՒՇԱԴՐՈՒԹՅՈՒՆ,ՈՒՇԱԴՐՈՒԹՅՈՒՆ,ՈՒՇԱԴՐՈՒԹՅՈՒՆ ՕՄՈՆՆ Է ԳԱԼԻՍ

ՈւՇԱԴՐՈՒԹՅՈՒՆ  ՈՒՇԱԴՐՈՒԹՅՈՒՆ

ՈՒՇԱԴՐՈՒԹՅՈՒՆ

ՕՄՈՆՆ  Է  ԳԱԼԻՍ

Բարև  ձեզ, սիրելի բազմաչարչար  ու հաղթանակած հայ ժողովուրդ։

Մենք  հայերս ունենք դարավոր  պատմություն։ Սիրելի հայրենակիցներ մենք  հայերս  ականատես ենք եղել  բազմաթիվ  ոճրագործությունների, բայց  երբևէ չենք ծնկել և միշտ դուրս ենք եկել պատվով և հաղթանակած։

Ասօր մայիսի 9 է...

<<Միջազգային  Ոստիկանական  Ասոցիացիայի >> Հայաստանյան  գրասենյակի հիմնադիր  նախագահ` <<Միլիցիայի Հատուկ Նշանակության  Ջոկատի>> (ОМОН-ի)  հիմնադիր, Ոսիկանության  ներքին  զորքերի  հիմնադիր, 1990 ական թ-ին Արցախյան պատերազմի  ոստիկանության  КОЛЬЦО օպերացիային  հաղթանակած, բանակաշինության  հիմնադիր, Հրամանատար, Գնդապետ` Գրիշա Սարգսյանը  շնորհավորում է հայ ժողովրդին 1945թ, 1992թ-ի Շուշիի ազատագրման, 2018 թ-ի թավշյա ոչ բռնի հեղափոխության հաղթանակների օրվա կապակցությամբ։ 

<<Միջազգային Ոստիկանական  Ասոցիացիայի>> Հայաստանյան  գրասենյակը, <<Միլիցիայի  հատուկ  նշանակության  ջոկատը>> (Օմոնը) կոչ է  անում  բոլոր  հակապետական, հակահեղափոխական  և նախկին և  ներկա  կուսակցական  շահեր  հետապնդող  ուժերին, սթափվեք հանգիստ վերնգեք  տեղներդ, չփորձեք բազմաչարչար  հայ  ժողովրդից  խլել և տապալել, 2018 թ-ի թավշյա ոչ բռնի  հեղափոխության  հաղթանակը, չփորձվեք հարվածել  հայ  ժողովրդի  կողմից  ընտրված  լեգիտիմ վարչապետի թիկունքից, չփորձվեք խալխլել պետությունը և  պետականությունը, քանի  որ  այս  անգամ գործ կունենաք Օմոնի հետ։ Եթե  նախկին ռեժիմի  և  ներկայումս` ռեժիմից մնացած  մնացորդներդ կարողացել եք  խույս տալ Դատախազությունից, Ոստիկանությունից, Ազգային  Անվտանգությունից, ընդհանուր  առմամբ  փախչել  օրենքից,  որպեսզի  պատասխան չտաք  ձեր կատարած հանցանքների  համար, ապա  զգուշացնում եմ , Օմոնից ոչ ոք  չի կարող  փախչել։

Խելքներդ  գլուխներդ հավաքեք, համախմբվեք  թիկունք  կանգնեք  ժողովրդի  ընտրյալին, քանի  որ  Օմոնն է  գալիս։

Եվս  մեկ անգամ զգուշացում եմ բոլոր հակապետական, հակահեղափոխական  անհատներին, կազմակերպություններին։ Եթե  հանկարծ, հայ ժողովրդի ընտրյալ լեգիտիմ վարչապետ` Նիկոլ Փաշինյանը  ունենա  <<առողջական խնդիրներ>>, որի  պատճառով չկարողանա  սուրբ խաչը  կրել  մինջև  վերջ, ես`Գրիշա  Սարգսյանս իմ և  ամբողջ  օմոնականների անունից զգուշացնում եմ, որ  թույլ  չենք  տա  ոչ մեկին հայ ժողովրդից  խլել  ազատութնունը և անկախությունը և  վերագրել իր վրա։ Ինչպես 1990թ -ականներին, այնպեսել  հիմա, բոլոր  մեղսագործներդ, ժողովրդից  ու  պետությունից  ալան-թալան  անողներդ ծնկած անցնելու եք  Օմոնի  թրի տակով, կպատժվեք  քաղաքական, հոգեբանական, ֆիզիկական  և  Օմոնին'  սահմանադրությամբ  լիազորված բոլոր խիստ ու բիրտ  մեթոդներով։

Սիրելի հայ ազգի ազատամարտիկներ, զոհվածի մայրե'ր, կրկին շնորհավոր բոլորիս  մայիսի 9-ը։ Խոնարվում եմ  բոլորի  շիրիմների  առջև։

Գնդապետ`Գրիշա  Սարգսյան

09.05.2020թ